– ભોગ બનેલા યુવકની જે યુવતી સાથે સગાઈ થઈ હતી તેની જ બહેનપણી સાથે યુવકના એકાઉન્ટથી ચેટિંગ કર્યાનું સામે આવ્યું છે.સમગ્ર મામલે શહેરના અઠવાલાઈન્સ પોલીસ સ્ટેશનમાં ફરિયાદ નોંધાઈ છે.આઈડેન્ટિટી થેપ્ટ કરનાર આ શખસ ફરિયાદી યુવકનો કોઈ વિશ્વાસુંનું હોઈ શકે તેવું પોલીસનું માનવું છે.સમગ્ર મામલે વધુ તપાસ હાથ ધરવામાં આવી છે.
સુરત : શહેરના અઠલાઈન્સ પોલીસ સ્ટેશન વિસ્તારમાં રહેતા એક યુવકનું ઈન્સ્ટાગ્રામ એકાઉન્ટ હેક કરીને અન્ય યુવતી સાથે ચેટિંગ કરીને સગાઈ તોવાની નાંખી હોવાનો સાયબર ક્રાઈમનો ગજબનો કિસ્સો પ્રકાશમાં આવ્યો છે.પ્રાપ્ત માહિતી અનુસાર ભોગ બનેલા યુવકની જે યુવતી સાથે સગાઈ થઈ હતી તેની જ બહેનપણી સાથે યુવકના એકાઉન્ટથી ચેટિંગ કર્યાનું સામે આવ્યું છે.સમગ્ર મામલે શહેરના અઠવાલાઈન્સ પોલીસ સ્ટેશનમાં ફરિયાદ નોંધાઈ છે.આ મામલે પોલીસનું માનવું છે કે, આઈડેન્ટિટી થેપ્ટ કરનાર આ શખસ ફરિયાદી યુવકનો કોઈ વિશ્વાસુંનું કારસ્તાન હોઈ શકે છે.
સગાઈ થઈ હતી તેની જ બહેનપણી સાથે યુવકના એકાઉન્ટથી ચેટ કર્યું
મળતી માહિતી પ્રમાણે ગોપીપુરા વિસ્તારમાં રહેતો તુષાર (નામ બદલ્યું છે) નામનો યુવક જાણીતી ડાયમંડ કંપનીમાં જોબ કરે છે.બે મહિના પહેલા રાતે તે તેના ફ્રેન્ડ્સ સાથે બેઠો હતો ત્યારં તેના જ મિત્રોએ તે તેના ઈન્સ્ટા એકાઉન્ટથી કરિશ્મા (નામ બદલ્યું છે)નામની યુવતી સાથે કેમ ખરાબ ચેટ કરી રહ્યો છે તેવું પૂછતાં તેણે આવી કોઈ ચેટ ન કરી હોવાનું જણાવ્યું હતું.બીજા દિવસે તો આ યુવકની જે યુવતી સાથે સગાઈ થઈ હતી તે યુવતીએ સગાઈ તોડી નાંખી હતી.
ખાસ બહેનપણીએ ફરિયાદ કરતા યુવતીએ સગાઈ તોડી નાંખી
કારણ કે , જે યુવતી સાથે આ યુવાનના નામે ચેટ કરાઈ હતી તે યુવતી આ યુવાનની મંગેતરની ખાસ બહેનપણી હતી અને તેણીએ આ અંગે યુવકની મંગેતરને ફરિયાદ કરી હતી.જો કે, પોતે કોઈ ચેટિંગ ન કર્યું હોવા છતાં પણ દુષ્પરિણામ ભોગવવાનું આવતા યુવક ડિપ્રેશનમાં આવી ગયો હતો.દરમિયાન 22 ફેબ્રુઆરીના રોજ ઈન્સ્ટા એકાઉન્ટનો પાસવર્ડ બદલવામાં આવ્યો હોવાનો મેસેજ આવતા તે આખી ગેમ સમજી ગયો હતો.આમ સોશિયલ મીડિયા ઉપર ઈમ્પર્સોનેશનનો ભોગ બનેના યુવકે અઠલાઈન્સ પોલીસ સ્ટેશનમાં ફરિયાદ નોંધાવતા આગળની કાર્યવાહી હાથ ધરવામા આવી છે.
