સુરેન્દ્રનગર : સુરેન્દ્રનગરમાં હાલ સરકારી અનાજ સગેવગે કરવાના કૌભાંડના ઘેરા પડઘા પડી રહ્યાં છે.નવ દિવસ પહેલા ૨૯ સરકારી દુકાનોના પરવાના ત્રણ મહિના માટે સ્થગિત કર્યા પછી દસ દિવસના અંતે જિલ્લા પુરવઠાતંત્ર દ્વારા મહેતા માર્કેટમાં સરકારી ઘઉંનો સંગ્રહ કરીને કાળાબજારમાં વેચાતા નથી ને તે માટે ચેકીંગ હાથ ધર્યુ હતું,પરંતુ ત્રણ પેઢીમાં તપાસ કરવા છતાં ગેરકાયદે જથ્થો મળ્યો ન હતો.સુરેન્દ્રનગર જિલ્લામાં સરકારી અનાજ સગેવગે કરવાનું કૌભાંડ બહાર આવ્યા પછી ખળભળાટ મચ્યો છે.સસ્તા અનાજના ૨૯ દુકાનદારોના પરવાના ત્રણ મહિના માટે સ્થગિત કરી દેવાયા હતાં.આ બનાવના દસ દિવસ પછી સુરેન્દ્રનગરની અનાજ-કરીયાણાના જથ્થાબંધ માર્કેટ મહેતા માર્કેટની ત્રણ પેઢીમાં પુરવઠા તંત્ર દ્વારા ૧૯૭૭ના કાયદા મુજબ ચેકીંગ હાથ ધરવામાં આવી હતી.સગેવગે કરાયેલુ સરકારી અનાજ સંગ્રહ કરીને કાળા બજારમાં નથી વેચાતુ ને?તે માટે દુકાનો અને ગોડાઉનમાં ચેકીંગ હાથ ધરાયુ હતુ.આ અંગે પુછપરછ કરતા પુરવઠા તંત્રના સુત્રોએ કશુજ વાંધાજનક મળ્યુ ન હોવાનું જણાવ્યુ હતુ.આ બાબતે આક્ષેપો થઇ રહ્યાં છે.કે પુરવઠા વિભાગની આ કામગીરી ઘોડા છૂટી ગયા પછી તબેલાને તાળા મારવા જેવી હતી.
સુરેન્દ્રનગરના મહેતા માર્કેટમાં પુરવઠા વિભાગનું ચેકિંગ
