– દિલ્હીમાં જહાંગીરપુરી હિંસા પર મનસેના વડા રાજ ઠાકરેએ કહ્યું, “મને લાગે છે કે આવી બાબતોનો આ રીતે જવાબ આપવો જોઈએ,નહીં તો તેઓ સમજી શકશે નહીં.અમે રમખાણો નથી ઈચ્છતા.”
મુંબઈ : તા.17 રવિવાર : મહારાષ્ટ્ર નવનિર્માણ સેનાના વડા રાજ ઠાકરે 5 જૂને અયોધ્યા જશે.આ સાથે તેમણે 1 મેના રોજ ઔરંગાબાદમાં તેમની આગામી જાહેરસભા યોજવાની જાહેરાત કરી છે.ઠાકરેએ કહ્યું કે અમે મહારાષ્ટ્રમાં રમખાણો નથી ઈચ્છતા.નમાઝ પઢવામાં કોઈને વાંધો નથી,પરંતુ જો તમે (મુસ્લિમો) લાઉડસ્પીકરનો ઉપયોગ કરશો તો અમે પણ લાઉડસ્પીકરનો ઉપયોગ કરીશું.
રાજ ઠાકરેએ કહ્યું કે મુસ્લિમોએ સમજવું જોઈએ કે કાયદાથી ધર્મ મોટો નથી. તેમણે કહ્યું કે 3 મે પછી હું જોઈશ કે શું કરવું.
‘જો તમે મસ્જિદોમાંથી લાઉડસ્પીકર નહીં હટાવો તો…’
રાજ ઠાકરેએ દેશના તમામ હિંદુઓને તૈયાર રહેવાની અપીલ કરી છે.જો મુસ્લિમ સમાજના લોકો 3 મે સુધીમાં મસ્જિદોમાંથી લાઉડસ્પીકર નહીં હટાવે તો અમે તેમને પણ લાઉડસ્પીકર પર હનુમાન ચાલીસાનું પાઠ કરીશું.તેમણે કહ્યું કે લાઉડસ્પીકરના કારણે માત્ર હિંદુઓને જ તકલીફ થઈ રહી નથી.બલ્કે મુસ્લિમ સમાજના લોકો પણ તેનો ભોગ બની રહ્યા છે.
બીજી બાજુ અજાન અને હનુમાન ચાલીસા મુદ્દે MNS ચીફ રાજ ઠાકરે ઉગ્ર તથા રાજકીય માહોલ ગરમાયો છે.જાણકારોનામ મતે આદિત્ય ઠાકરે પણ અયોધ્યા જવાની તૈયારી કરી રહ્યા છે.આ જ સમયે શિવસેનાના નેતા અને મંત્રી આદિત્ય ઠાકરે હિન્દુત્વના મુદ્દે ભાજપને તેના ગઢમાં જઈને જવાબ આપવાની તૈયારી કરી રહ્યા છે.આદિત્યએ શનિવારે જાહેરાત કરી હતી કે તેઓ ટૂંક સમયમાં અયોધ્યા જશે.તે મે મહિનાની શરૂઆતમાં અયોધ્યા જઈ શકે છે.તેમણે કહ્યું કે અયોધ્યા પ્રવાસને લઈને સાંસદ સંજય રાઉત સાથે વાતચીત થઈ છે.અયોધ્યા પ્રવાસ અંગેનો કાર્યક્રમ ટૂંક સમયમાં જાહેર કરવામાં આવશે.
અજાન મુદ્દે રાજ ઠાકરેના તેવરો જોતા મહારાષ્ટ્રના રાજકારણમાં ભારે ચહલપહલ જોવા મળી રહી છે. એમએનએસ અને ભાજપ લાઉડસ્પીકર ઉપર અજાન વગાડવાના મુદ્દે વિરોધ કરી રહ્યા છે ત્યારે સત્તાધારી મહા વિકાસ અગાડી સરકારની મુખ્ય પાર્ટી શિવસેના આ મુદ્દે ઘેરાય રહી હોવાનું રાજકીય વિશ્લેષકો માની રહ્યા છે.
