મોડાસા : એપ્રિલ મહિનામાં અત્યાર સુધીમાં અરવલ્લી જિલ્લામાં પેટ્રોલ, ડીઝલ તથા રાંધણગેસના વેચાણમાં ઘટાડો નોંધાયો છે.ઈંધણના ભાવવધારાને પગલે તેની ખપતમાં મોટો ઘટાડો થયો છે.એપ્રિલના 15 દિવસમાં પેટ્રોલના વેચાણમાં માર્ચના પ્રથમ 15 દિવસની તુલનામાં 10 ટકાનો ઘટાડો થયો છે. જ્યારે આ જ સમયગાળામાં ડીઝલની ડિમાન્ડમાં 15.6 ટકાનો ઘટાડો થયો છે.કોરોનાકાળમાં રાંધણગેસના વેચાણમાં સતત વધારો થતો હતો પણ સિલિન્ડરના ભાવમાં વધારો થયા બાદ એપ્રિલના 15 દિવસમાં તેના વેચાણમાં પણ 1.7 ટકાનો ઘટાડો થયો છે.ઓઇલ કંપનીઓએ 137 દિવસ બાદ ભાવમાં તબક્કાવાર વધારો શરૂ કર્યો હતો.ક્રૂડ ઓઇલના આંતરરાષ્ટ્રીય ભાવમાં 30 ડૉલરનો વધારો થયો હતો.એ પછી 22 માર્ચથી 6 એપ્રિલ સુધીમાં પેટ્રોલના ભાવમાં પ્રતિ લિટર 10 રૂપિયાનો વધારો થયો હતો.જ્યારે 22 માર્ચના રોજ રાંધણગેસના ભાવમાં પણ 50 રૂપિયાનો વધારો કરાયો હતો.જેના પગલે એલપીજી સિલિન્ડરની કિંમત 949.50 રૂપિયા થઈ હતી.સાથે જ જેટ ફ્યુઅલનો ભાવ પણ 1,13,202.33 રૂપિયા પ્રતિ કિલોલિટર સાથે અત્યાર સુધીનો સર્વાધિક થયો છે.
પેટ્રોલ-ડીઝલના ભાવ વધારા સામે અરવલ્લીના ખેડૂતો બળદ-ગાડાનો ઉપયોગ કરવા લાગ્યા.ખેતીમાં ઝડપ લાવવા આધુનિક સાધનોનો ઉપયોગ કરવો પડશે.ખેતીમાં ઝડપ લાવવા આધુનિક સાધનોનો ઉપયોગ કરવો પડશે પણ પેટ્રોલ-ડીઝલના ભાવ વધારાના કારણે તેમાં કાપ મૂકવાની ફરજ પડશે.પહેલાં પશુઓ માટે ચારો વાડીએથી લઈ જવો તેમજ થોડું-જાજુ કામ હોય તો ટ્રેકટરનો ઉપયોગ કરવામાં આવતો હતો. હાલ આ પેટ્રોલિયમના ભાવ વધારાના કારણે આવા કામો ગાડા વડે કરવા લાગ્યા છીએ તેમાં પણ એક બળદ વાળા ગાડા (એકા)નો ઉપયોગ કરવામાં આવી રહ્યો છે.આમ ડીઝલના ભાવ વધારાને પહોંચી વળવા આવું આયોજન ફરજિયાત કરવું પડે છે.- ખેડૂત, કાન્તીભાઈ પટેલ
