ઇસ્લમાબાદ, તા. ૮ : ચીન અને પાકિસ્તાનનું ડ્રીમ પ્રોજેક્ટ ચીન-પાકિસ્તાન ઇકોનોમિક કોરિડોર (સીપીઇસી) ઘોંચમાં પડી ગયું છે.તમામ પ્રયત્નો છતાં આ પ્રોજેક્ટનું કામ આગળ વધી રહ્યું નથી.તાજેતરના અહેવાલ અનુસાર નિર્ધારિત લક્ષ્યાંક કરતા આ પ્રોજેક્ટનું કાર્ય ખૂબ જ પાછળ ચાલી રહ્યું છે.અત્યાર સુધીમાં ૧૫માંથી ફક્ત ૩ પ્રોજેક્ટમાં જ કાર્ય પૂર્ણ થયું છે. ઉલ્લેખનીય છે કે આ રૃટ પાકિસ્તાનના અંકુશવાળા કાશ્મીરથી લઇને નીકળે છે. જેના કારણે ભારત આ પ્રોજેક્ટનો વિરોધ કરી રહ્યું છે.સૂત્રોના જણાવ્યા અનુસાર અત્યાર સુધી પાકિસ્તાનના ફક્ત ગ્વાદરમાં ત્રણ પ્રોજેક્ટ પર કાર્ય પૂર્ણ થયું છે.જેમાં ૩૦ કરોડ ડોલરનો ખર્ચ થયો છે.અત્યાર સુધી એક ડઝનથી વધારે પ્રોજેક્ટ અધૂરા છે.જેમાં પાણીનો પુરવઠો અને વીજળી ઉત્પન્ન કરવાના પ્રોજેક્ટ પણ સામેલ છે.સીપીઇસી ૩ હજાર કિલોમીટર લાંબો ઇન્ફ્રાસ્ટ્રકચર પ્રોજેક્ટ છે.જે ચીનના ઉત્તર પશ્ચિમાં જિનજિયાંક અને પશ્ચિમ પાકિસ્તાનના ગ્વાદર પોર્ટને જોડશે.જે પ્રોજેક્ટ પૂર્ણ થઇ ગયા છે તેમાં ગ્વાદર સ્માર્ટ પોર્ટ સિટી સામેલ છે જેમાં ૪૦ લાખ ડોલરનો ખર્ચ થયો છે.આ ઉપરાંત ગ્વાદર પોર્ટનું ફિઝિકલ ઇન્ફ્રાસ્ટ્રકચર, ફ્રી ઝોન ફેઝ ૧ અને પાક-ચીન ેટેકનિકલ એન્ડ વોકેશનલ ઇન્સ્ટીટયૂટનું કાર્ય પૂર્ણ થયું છે જેમાં ૧ કરોડ ડોલરનો ખર્ચ થયો છે.ગ્વાદરમાં ૨ કરોડ ગેલન પાણીની જરૃર પડે છે.સીપીઇસી હેઠળ સ્વાડ ડેમ અને શાદી કુરે ડેમમાંથી ૭૭ લાખ ગેલન પાણી લેવાની જરૃર પડશે. આ જ કારણોસર હજુ સુધી કામ પૂર્ણ થયું નથી.
ચીન-પાક.નો ડ્રીમ પ્રોજેક્ટ સીપીઇસી ઘોંચમાં ઃ ૧૫માંથી ફક્ત ૩ પ્રોજેક્ટ પૂર્ણ
