અમદાવાદ, મંગળવાર, 10 મે,2022 : અમદાવાદના એન.આઈ.ડી.કેમ્પસમાં ત્રણ દિવસમાં કોરોનાના કુલ ૨૪ પોઝિટિવ દર્દી મળ્યા બાદ મ્યુનિ.ના હેલ્થ વિભાગ દ્વારા ટેસ્ટીંગની પ્રક્રીયાને સઘન બનાવાઈ હતી.કેમ્પસમાં અગાઉ કરવામાં આવેલા લેબોરેટરી ટેસ્ટ સાથે મ્યુનિ.દ્વારા સોમવાર સુધીમાં કરાયેલા કોરોના ટેસ્ટ બાદ અત્યાર સુધીમાં કુલ ૭૪૨ લોકોના ટેસ્ટ થઈ ગયા છે.મ્યુનિ.એ કરેલા ટેસ્ટમાં કેમ્પસના વધુ તેર લોકો કોરોના પોઝિટિવ મળી આવતા એન.આઈ.ડી.કેમ્પસમાં અત્યાર સુધીમાં કોરોનાના કુલ ૩૭ પોઝિટિવ દર્દી મળી આવ્યા છે.અમદાવાદમાં મંગળવારે કોરોનાના નવા ૨૪ કેસ નોંધાવા પામ્યા હતા.કોરોનાથી એક પણ દર્દીનું મોત થયુ નહોતુ.દસ દર્દી કોરોનામુકત થયા હતા.શહેરમાં છેલ્લા ચાર દિવસમાં કોરોનાના કુલ ૯૯ નવા કેસ નોંધાવા પામ્યા હતા.જેમાં ૭ મેના દિવસે ૧૯ કેસ, ૮મેના દિવસે ૩૪,૯ મેના દિવસે ૨૨ અને ૧૦મેના ૨૪ નવા કેસ નોંધાયા હતા.
એન.આઈ.ડી. કેમ્પસમાં વધુ તેર દર્દી કોરોના પોઝિટિવ
