બારડોલી : તાપી જિલ્લાની વાલોડ તાલુકા પંચાયત કચેરીમાં કાળજું કંપવાનારી ઘટના સામે આવી છે.તાલુકા પંચાયતના મનરેગા વિભાગમાં કામ કરતી મહિલા ઓપરેટરને તેના પતિએ જ્વલનશીલ પ્રવાહી છાંટી સળગાવી દીધા બાદ પોતે પણ સળગીને આત્મહત્યા કરી લેતા ચકચાર મચી ગઈ હતી.ઘટનામાં બંનેના મોત થતા તાલુકા વિકાસ અધિકારીની ફરિયાદના આધારે પોલીસે હત્યાનો ગુનો નોંધી આગળની તપાસ હાથ ધરી છે.
વ્યારા તાલુકાના ચાંપાવાડી ગામે રહેતો અમિત અનિલ પટેલ (ઉ.વર્ષ 41) ઉચ્છલ તાલુકાના ગવાણ ગામે શિક્ષક તરીકે નોકરી કરતો હતો જ્યારે તેની પત્ની મયુરિકા પટેલ(ગામીત) ઉ.વર્ષ 41 વાલોડ તાલુકા પંચાયતમાં આવેલી મનરેગા ઓફિસમાં કોમ્યુટર ઓપરેટર તરીકે નોકરી કરતી હતી. મંગળવારે બપોરના સમયે અમિત મયુરીની ઓફિસમાં પહોંચ્યો હતો અને તેના પર જ્વલનશીલ પ્રવાહી ફેંકી આગ લગાવી દીધી હતી.ત્યરબાદ તે જાતે પણ સળગી ગયો હતો. ગંભીર રીતે દાઝી જતા બંનેના સ્થળ પર જ મોત થયા હતા.ઘટનાની જાણ થતાં જ વાલોડ પોલીસ સ્થળ પર પહોંચી હતી.પ્રાથમિક તપાસમાં જાણવા મળ્યું કે બંને પતિપત્ની વચ્ચે ઘણા સમયથી ઝઘડો ચાલતો હતો.પોલીસના જણાવ્યા અનુસાર અમિત તેની પત્ની મયુરિકાના ચારિત્ર પર શંકા કરતો હતો અને આને લઈને જ તે બંને વચ્ચે લાંબા સમયથી વિવાદ થતો આવ્યો હતો.આ જ કારણથી અમિતે આ પગલું ભર્યું હોવાનું અનુમાન છે.હાલ પોલીસે તાલુકા વિકાસ અધિકારીની ફરિયાદના આધારે મૃતક અમિત અનિલ પટેલની વિરુદ્ધ હત્યાનો ગુનો નોંધી આગળની તપાસ હાથ ધરી છે.
