અમદાવાદ : ડિરેક્ટોરેટ ઓફ રેવન્યૂ ઈન્ટેલિજન્સ(DRI)ના અધિકારીઓએ મુંદ્રા પોર્ટ પર ત્રણ દિવસ સુધી હાથ ધરેલા ઓપરેશન નમકીન અંતર્ગત ૫૦૦ કરોડનું ૫૨ કિલો કોકેઇન જપ્ત કરી લીધું છે.ઇરાનથી મીઠાની કોથળીમાં છુપાવીને કોકેઇન ભારતમાં લાવવવામાં આવ્યું હતું.આ કોકેઇન પાવડર ક્યાં મોકલવાનો હતો તેની તપાસ ચાલી રહી છે.ઇરાનથી કઇ કંપની દ્વારા મીઠાની આડમાં કોકેઇન મંગાવવામાં આવ્યું હતું તેની પણ તપાસ ચાલી રહી છે.ગુજરાતના તમામ બંદરો અને ગુજરાતના દરિયા કિનારા તથા દરિયામાંથી જે રીતે અને જેટલા પ્રમાણમાં ડ્રગ્સ મળી રહ્યું છે તે ખરેખર જોખમી બાબત છે.ગુજરાતના ગૃહ રાજ્ય મંત્રી હર્ષ સંઘવી ઉપરાંત પોલીસ અને એટીએસની ટીમ પણ આ દૂષણને ડામવા સક્રિય છે.ગુજરાતના લગભગ તમામ પોર્ટ પરથી હજારો કરોડના હેરોઇન તથા ડ્રગ્સના કન્સાઇન્મેન્ટ ઝડપાયા છે.સેન્ટ્રલ એજન્સીઓ દ્વારા તમામ પોર્ટ તથા એરપોર્ટ પર ખાસ વોચ રાખવામાં આવી રહી છે.DRIના અધિકારીઓને બાતમી મળી હતી કે ઇરાનથી મુંદ્રા પોર્ટ પર આયાત કરવામાં આવેલા ચોક્કસ માલ સામાનમાં માદક દ્રવ્યો છુપાવીને મોકલવામાં આવ્યા છે.જેને પગલે અધિકારીઓ દ્વારા તમામ ઇમ્પોર્ટ મટિરિયલ ચેક કરવા માટે ઓપરેશન નમકીન શરૂ કર્યું હતું.
ઓપરેશન નમકીન અંતર્ગત શરૂ કરાયેલી તપાસમાં એક કન્સાઇન્મેન્ટમાં મીઠાની ૧૦૦૦ થેલીઓ હોવાનું સામે આવ્યું હતું.અધિકારીઓને શંકા થઇ હતી કે ઇરાનથી મીઠાની આયાત કરવાની વાત કંઇ હજમ થતી નથી.DRIની ટીમ દ્વારા સતત ત્રણ દિવસ સુધી આ તમામ થેલીઓ ચેક કરવાની કવાયત શરૂ કરવામાં આવી હતી.જેમાં કેટલીક બેગમાં મીઠા સાથે કોઇ વિશિષ્ટ પ્રકારની ગંધ ધરાવતો પાવડર મળી આવ્યા હતો.આવા પાવડરને અલગ તારવવામાં આવ્યા હતો.જેના નમુના લઇને એફએસએલમાં તેનું પરિક્ષણ કરાવતાં તે કોકેઇન હોવાનું સામે આવ્યું હતું.DRIએ ૫૨ કિલો કોકેઇનનો જથ્થે કે જેની કિંમત ૫૦૦ કરોડ થાય છે,તે કબજે લઇને વધુ તપાસ શરૂ કરી છે.અત્રે ઉલ્લેખનીય છે કે ચાલુ વર્ષ દરમિયાન DRI એ 321 કિલો કોકેઈન જપ્ત કર્યું હતું,જેની કિંમત આંતરરાષ્ટ્રીય ગેરકાયદે બજારમાં 3200 કરોડ થાય છે. છેલ્લા એક મહિનામાં DRIએ કંડલા પોર્ટ પર જીપ્સમ પાવડરના કોમર્શિયલ આયાત કન્સાઈનમેન્ટમાંથી 205 કિલો હેરોઈનની રિકવરી કરી છે.પીપાવાવ બંદર પર હેરોઈન સાથે 395 કિલો થ્રેડ-લેસ્ડ,એર એટ 62 કિલો હેરોઈન સહિત કેટલાક નોંધપાત્ર કેસ નોંધ્યા છે.કાર્ગો કોમ્પ્લેક્સ,IGI નવી દિલ્હી અને લક્ષદ્વીપ ટાપુઓના દરિયાકાંઠે 218 કિલો હેરોઈન(ભારતીય કોસ્ટ ગાર્ડ સાથે સંયુક્ત ઓપરેશનમાં)ઉપરાંત,ધાતુના નળના ત્રિકોણ વાલ્વમાં ઉચ્ચ શુદ્ધતાના સોનાને છૂપાવવાની નવી પદ્ધતિમાં એર કાર્ગો કોમ્પ્લેક્સ,દિલ્હીમાંથી 61.5 કિલો સોનું જપ્ત કરવામાં આવ્યું છે.
