બેંગલુરૂ : તા.27 મે 2022 : શુક્રવાર : કર્ણાટકમાં રાજ્યસભાની 4 બેઠકો મટે 10 જૂને મતદાન થશે.ભારતીય જનતા પાર્ટીના નિર્મલા સીતારમણ,કેસી રામમૂર્તિ અને કોંગ્રેસના જયરામ રમેશનો કાર્યકાળ 30 જૂને સમાપ્ત થઈ રહ્યો છે.તે જ સમયે કોંગ્રેસના દિવંગત નેતા ઓસ્કર ફર્નાન્ડિસ ચોથી બેઠક પરથી સભ્ય હતા.રાજ્યસભાની ચૂંટણી જીતવા માટે ઉમેદવારને 45 મતની જરૂર હોય છે.કર્ણાટક વિધાનસભામાં પક્ષોની વર્તમાન સ્થિતિના આધારે ભાજપ 2 બેઠકો જીતી શકે છે,જ્યારે કોંગ્રેસને 1 બેઠક મળી શકે છે.તે સમયે એવા અહેવાલો છે કે,જનતા દળ(એસ)અથવા JDS એક બેઠક કબજે કરી શકે છે.સાથે જ ચોથી સીટ માટેનો જંગ રસપ્રદ બનવા જઈ રહ્યો છે.પાર્ટી સૂત્રોએ જણાવ્યા અનુસાર,કોંગ્રેસ ફરી એકવાર જયરામ રમેશને રાજ્યસભાની ચૂંટણીમાં ઉતારી શકે છે.
અહેવાલ પ્રમણે,જો ભાજપ અને કોંગ્રેસ ચોથી બેઠક જીતવા માંગે છે તો તેમને જનતા દળના સમર્થનની જરૂર પડશે.કોંગ્રેસના વરિષ્ઠ નેતા અને ભૂતપૂર્વ મુખ્યમંત્રી સિદ્ધારમૈયાએ આગામી રાજ્યસભાની ચૂંટણી અથવા 2023ની વિધાનસભા ચૂંટણીમાં JDS સાથે કોઈપણ રાજકીય જોડાણનો ઈનકાર કર્યો છે.સિદ્ધારમૈયાએ એમ પણ કહ્યું હતું કે,તેઓ રાષ્ટ્રીય રાજકારણમાં નહીં જાય.જોકે સિદ્ધારમૈયાએ અગાઉ કહ્યું હતું કે, 2023ની વિધાનસભા ચૂંટણી તેમની છેલ્લી હશે પરંતુ તેઓ રાજ્યના રાજકારણમાં જોડાયેલા રહેશે.
