વારાણસીમાં જ્ઞાનવાપી મસ્જિદ વિવાદ વચ્ચે મહારાષ્ટ્ર નવનિર્માણ સેના (MNS)એ દાવો કર્યો છે કે પુણે શહેરમાં પુણ્યેશ્વર મંદિરની જમીન પર બે દરગાહ બનાવવામાં આવી છે. MNS મહાસચિવ અજય શિંદેએ કહ્યું કે તેમણે ‘પુણ્યેશ્વર મુક્તિ’ અભિયાન શરૂ કર્યું છે અને લોકોને આ પગલામાં MNSની લડાઈને સમર્થન આપવા અપીલ કરી છે.
જ્ઞાનવાપી મસ્જિદના તાજેતરના સર્વેનો ઉલ્લેખ કરતાં શિંદેએ કહ્યું કે હિંદુત્વ અંગે રાજ ઠાકરેના વલણને જોતાં સરકારની ઊંઘ ઊડી ગઈ છે. “જ્ઞાનવાપીની જેમ, અમે પણ પુણેમાં પુણ્યેશ્વર મંદિર માટે લડી રહ્યા છીએ,” તેમણે કહ્યું.
મોટું આંદોલન કરવાની ચેતવણી આપી છે
શિંદેએ દાવો કર્યો હતો કે ખિલજી વંશના શાસક અલાઉદ્દીન ખિલજીના એક કમાન્ડરે પુણેમાં પુણ્યેશ્વર અને નારાયણેશ્વર મંદિરોને તોડી પાડ્યા હતા અને બાદમાં આ જમીન પર દરગાહ બનાવવામાં આવી હતી.અજય શિંદેએ સરકાર અને પુરાતત્વ વિભાગ પાસે આ બાબતે ધ્યાન આપવા અને કાર્યવાહી કરવાની માંગણી કરી છે, જો તેમ નહીં થાય તો અમે મોટું આંદોલન કરીશું.
જ્ઞાનવાપી મસ્જિદ સર્વેનો ઉલ્લેખ કરતા શિંદેએ કહ્યું કે રાજ ઠાકરેના હિંદુત્વના સ્ટેન્ડ પર સરકારની ઉંઘ ઉડી રહી છે.તેમણે કહ્યું, ‘જ્ઞાનવાપીની જેમ અમે પણ પુણેના પુણ્યેશ્વર મંદિર માટે લડી રહ્યા છીએ.’
