આપણે સરકારના આદેશોનું પાલન કરવું જોઈએઃ ઉમર અબ્દુલ્લા
એજન્સી, શ્રીનગર
જમ્મુ-કાશ્મીરના પૂર્વ મુખ્યમંત્રી અને નેશનલ કોન્ફરન્સના નેતા ઉમર અબ્દુલ્લાને લગભગ આઠ મહિના બાદ નજરકેદમાંથી મુક્ત કરવામાં આ્યા છે. જનસુરક્ષા કાયદો (પીએસએ) એંતર્ગત લગાવવામાં આવેલા આરોપો હટાવાયા બાદ તેમને મુક્ત કરવાના આદેશ આપવામાં આવ્યા. 10 માર્ચના દિવસે જ તેમની 50મી વર્ષગાંઠ હતી. અબ્દુલ્લાએ 5 ઓગસ્ટના રોજ જમ્મુ-કાશ્મીરનો વિશેષ રાજ્યનો દરજ્જો હટાવ્યા બાદ તેમને નજરકેદ કરવામાં આવ્યા હતા.
પૂર્વ મુખ્યમંત્રી ઉમર અબ્દુલ્લાએ નજરકેદમાં 232 દિવસ વિતાવ્યા છે. નજરકેદમાંથી મુક્ત થયા બાદ તેમણે મીડિયા સાથે વાત કરી હતી. તેમાં તેમણે કહ્યું કે આજે મને આ વિશે જાણ થઈ કે લોકો જિંદગી અને મોત વચ્ચે ઝોલા ખાઈ રહ્યા છે. જે લોકો અત્યારે કેદમાં છેતેમને છોડી દેવા જોઈએ. આપણે કોરોના વાયરસ સામે લડત આપવા માટે સરકારના આદેશોનુંપાલન કરવું જોઈએ.
ઉમર અબ્દુલ્લાને એવા સમયે કેદમાંખથી મુક્ત કરવામાં આવ્યા છે કે જ્યારે થોડા દિવસ અગાઉ જ સુપ્રીમ કોર્ટે કેન્દ્ર સરકારને કહ્યું હતું કે અથવા તો તેમને બને તેટલું જલ્દી મુક્ત કરો અથવા તો કોર્ટ અબ્દુલ્લાની બહેન સારા પાયલટની અપીલ પર સુનાવણી કરે. અબ્દુલ્લાને કેદમાં રાખવાના મામલે સુપ્રીમ કોર્ટે કેન્દ્રને કહ્યું હતુ્ં કે જો તમે ઉમર અબ્દુલ્લાને મુક્ત કરવાના હોવ તો જલ્દી કરી દો અથવા તો પછી અમારે ધરપકડ સામે કરાયેલી તેમની બહેનની અપીલ પર સુનાવણી કરવી પડશે.
