– સી.આર,પાટીલે પત્રકાર પરિષદ યોજી
– મુખ્યમંત્રી અને સી.આર.પાટીલ સાથે કનું દેસાઈ પણ ઉરસ્થિત હતા
સુરત જિલ્લાના ઓલપાડ તાલુકામાં આજે મેગા કેમ્પનું આયોજન કરવામાં આવ્યું હતું.જેમાં મોટી સંખ્યામાં લોકો જોડાયા હતા.વડાપ્રધાન આ કાર્યક્રમમાં વર્ચુયલ જોડાયા હતાં. જેમાં તેમને ભેપેન્દ્ર સરકારની પ્રશંસા કરી હતી.તે સમયે સી.આર.પાટીલ દ્વારા એક પ્રેસ કોન્ફરેન્સ રાખવામાં આવી હતી.
સી.આર.પાટીલે આપ પર પ્રહાર કરતા કહ્યું કે, અત્યાર સુધી જેટલી પણ રેવડી વેચી છે.તેના હિસાબ મને મોકલ્યા છે.તે હું તમને કહું છું.મહિલાઓ માટે દર મહિને 1000 રૂપિયા 3 લાખ મહિલાઓ એટલે 3 કરોડ રૂપિયા.મહિલાઓના દરવર્ષના 36 હજાર કરોડ રૂપિયા થાય.બેરોજગાર માટે દર મહિને 3 હજાર રૂપિયા એટલે બેરોજગારના વર્ષના 120 કરોડ રૂપિયા,સરપંચને દર મહિને 10 હજાર રૂપિયા એટલે 18 હજાર 618 સરપંચના વર્ષના 223 કરોડ 41 લાખ 60 હજાર રૂપિયા.મફતની લાઈટના 300 યુનિટ જેની ગણતરી કરીએ તો ગુજરાતની હાલની વસ્તી 6 કરોડ 40 લાખ મુજબ 10 સભ્યો એક મકાનમાં હોય તો તેની કિંમત 877 કરોડ44 લાખ રૂપિયા થાય આ બધી રેવડીઓનો હિસાબ કરીએ તો, 41 હજાર 607 કરોડ 85 લાખ 60 હજાર રૂપિયા થાય.
વધુમાં તેમણે કહ્યુ કે, રેવડી વેચવાવાળા 41 હજાર 607 કરોડ 85 લાખ 60 હજાર રૂપિયાની આપણને રેવડી બતાવે છે.તેની સાથે ગ્રેડ પે અને બાકીનાને 10 લાખ લોકોને નોકરીના વાયદા આપે તો તેના 10 હજાર અલગ થાય છે.ખેડૂતોને 2 લાખની લોન મંજૂર.જેથી આ 2 કરોજ 18 લાખનું જે બજેટ છે.એ તો આ રેવડીમાં જ પુરો થઈ જાય છે.દેશનો વિકાસ થંભી જાય તેવી યોજનાઓની વાત કરવી નહિ.કોઈએ રોડ માંગવો નહિ.રોડ માંગવો નહિ, કોઈ વિકાસનું કામ થશે નહિ.માત્ર રેવડી ખાઓ.
આ દેશને અને ગુજરાતને નુકસાન પહોંચાડતા અર્બન નક્સલાઈટને ઓળખી લેવા છે.કચ્છ અને સૌરાષ્ટ્રમાં જ્યારે પાણીની જરૂર હતી. ત્યારે નર્મદાનું પાણી સૌરાષ્ટ્ર સુધી પહોંચાડવાનું હતું.ત્યારે મેધા પાટકરે વર્ષો સુધી આંદોલન કર્યું.અનેક અડચળો ઉભી કરતા વર્ષો સુધી કચ્છ અને સૌરાષ્ટ્રના લોકોને પીવાનું અને સિંચાઈનું પાણી મળી નહોતું શક્યું.હું મારો જીવ આપી દઈશ હું આ ડેમમાં ડૂબી જઈશ આવી ધમકી આપીને કામને રોકી રાખ્યું હતું.આવા મેધા પાટકરને આપ પાર્ટીએ લોકસભાની ટિકિટ આપી.ત્યારે મારે અરવિંદ કેજરીવાલને પૂછવું છે કે, શા માટે ગુજરાત વિરોધી લોકોને તમે ટિકિટ આપો છો. શું તમને ગુજરાતની સમુદ્વિ ગમતી નથી. પ્રધાનમંત્રીના રાજમાં ગુજરાત વિકાસ પામી રહ્યું છે.
