ગાંધીનગર : જ્યારે પણ વિધાનસભા ચૂંટણી આવે ત્યારે વિવિધ સંગઠનો તેમના પડતર પ્રશ્નોને લઇને સરકારનું નાક દબાવવાના પ્રયાસ કરતા હોય છે.કારણ કે, વિધાનસભા ચૂંટણીમાં વોટ બેંક ગુમાવાના ભયથી પડતર પ્રશ્નો સરકાર ઝડપથી ઉકેલતી હોય છે અને સંગઠનોની વર્ષોની લડાઇનું ઓલમોસ્ટ સુખદ સમાધાન આવી જતુ હોય છે.ગુજરાત સરકાર સામે હાલ વિવિધ પડતર પ્રશ્નોને લઈને 12થી વધુ વિવિધ સંગઠનોએ સરકાર સામે આંદોલનનું રણશિંગુ ફૂંક્યું છે.
આગામી વિધાનસભાની ચૂંટણી પૂર્વે જો આ આંદોલનો ડામવામાં ન આવે તો મોટા પાયે રાજકીય નુકસાન વેઠવું પડે તેમ છે.આથી મુખ્યમંત્રીએ આંદોલન નિવારવા માટેપાંચ જેટલા મંત્રીઓની એક કમિટિ બનાવી છે.આ કમિટિ હાલ વિવિધ સંગઠનો સાથે મેરેથોન બેઠક કરી રહી છે અને વાટાઘાટ દરમિયાન સરકાર પ્રશ્નો ઉકેલવાની દિશામાં આગળ વધી રહી છે.
ગઈકાલે કેબિનેટની બેઠક બાદ આ કમિટી એ કર્મચારી મહામંડળ સાથે બેઠક કરી હતી.જે નિષફળ ગઇ હતી.સરકારની કમીટી સાથે આજે ફરી તેઓ બેઠક કરે તેવી શક્યતા છે.હાલ દરરોજ સાંજે મંત્રીઓના નિવાસસ્થાને આંદોલનકારી સંગઠનો સાથે વાટાઘાટ કરવા માટે બેઠક મળે છે.મંત્રી નિવાસસ્થાન ખાતે આંદોલનનો ઉકેલ લાવવા માટે કવાયત શરૂ કરવામાં આવી છે.અગાઉ કેટલાક સંગઠનની હડતાલ પછી સમાધાન થયા બાદ ફરી આંદોલનની જાહેરાત થઈ હતી.તે સ્થિતિને નિવારવા સંગઠન સાથે સંકળાયેલા અન્ય લોકોને પણ વચ્ચે રાખીને બેક ડોર વાટાઘાટોનો દોર શરૂ કરવામાં આવ્યો છે.
વિધાનસભાનું ચોમાસું સત્ર 21 અને 22 સપ્ટેમ્બરના રોજ મળશે
આગામી ઓક્ટોબર મહિનામાં વિધાનસભાની ચૂંટણીની જાહેરાત થાય તો આચારસંહિતા લાગુ પડી જાય તો સરકાર કોઈ જાહેરાત કરી શકે નહીં.અને સંગઠન અને વિવિધ વર્ગોનુ આંદોલન ચાલુ રહેતો ચૂંટણીમાં રાજકીય નુકસાન થવાની ભિતી જોતા સરકાર પર હડતાલના ઉકેલ લાવવાનું દબાણ વધ્યું છે.
આમ આદમી પાર્ટીએ જાહેર કરેલા ઉમેદવારની તસવીરો વાયરલ
સરકારી કર્મચારી મહામંડળ અને સંકલન સમિતિ, ગુજરાત સચિવાલય ફેડરેશન આરોગ્ય કર્મચારી મહાસંધ,આઉટસોર્સિંગ કોન્ટ્રાક્ટ કર્મીઓ,વન રક્ષક વનપાલ કર્મીઓ,વિલેજ કોમ્પ્યુટર ઓપરેટર,આંગણવાડીના કર્મચારીઓ,જૂની પેન્શન યોજનાની માંગ સાથે શિક્ષકોનું મંડળ,નગરપાલિકા કર્મચારી સંગઠન,ભારતીય કિસાન સંઘ,ભારતીય મજદૂર સંઘ સરકાર સામે આંદોલન ચલાવી રહ્યા છે.આ તમામ સાથે રાજ્ય સરકારની મંત્રીઓની કમિટિનો નિવેડો લાવવા માટે થઈને મથી રહી છે.આજે કર્મચારી મહામંડળ સાથે ફરીથી સરકારની આ કમિટિ બેઠક કરશે તેવી સંભાવના છે.
