વિધાનસભા ચૂંટણીનો ધમધમાટ શરૂ થઈ ચૂક્યો છે.ત્યારે રાજકીય નેતાઓ પણ એકબીજા પર આરોપ પ્રત્યારોપ કરી રહ્યા છે.ત્યારે હવે પૂર્વ કેબિનેટ મંત્રી ગણપતસિંહ વસાવાએ દિલ્હીના મુખ્યમંત્રી અને આમ આદમી પાર્ટીના નેતા અરવિંદ કેજરીવાલ પર આકરા પ્રહાર કર્યા હતા.માંગરોળના વાંકલમાં શાળાનું લોકાર્પણ કરવા પહોંચેલા ગણપત વસાવાએ કહ્યું કે અન્ના હજારે સાથે દગો કરીને પાર્ટી બનાવનાર વિધાનસભા ચૂંટણી પછી શોધ્યા પણ મળશે નહીં.આ સાથે જ લોકોને છેતરવા નીકળેલા નેતાઓથી ચેતવા માટે જનતાને અપીલ પણ કરી હતી.
ઉલ્લેખનીય છે કે, આમ આદમી પાર્ટીના નેતા અને દિલ્હીના મુખ્યમંત્રી અરવિંદ કેજરીવાલ ફરી એકવાર ગુજરાતની મુલાકાતે આવી રહ્યા છે.કેજરીવાલ બે દિવસની ગુજરાત મુલાકાતે છે.આ સાથે જ દિલ્હીના નાયબ મુખ્યમંત્રી મનીષ સિસોદિયા,પંજાબના મુખ્યમંત્રી ભગવંત માન,રાજ્યસભાના સાંસદ રાઘવ ચઠ્ઠા પણ ગુજરાતની મુલાકાતે આવશે.
