– આજરોજ નવા મંત્રીમંડળે ગાંધીનગર ખાતે શપથ લીધા
– બે દાયકામાં પ્રથમ વખત કમુહુર્તા પહેલા શપથ લેવાઈ
આજરોજ ગાંધીનગરમાં ભારતીય જનતા પાર્ટી દ્વારા નવી સરકારની શપથવિધિ સમારંભનું આયોજન કરાયું હતું.જેમાં ભુપેન્દ્ર પટેલે બીજી વખત મુખ્યમંત્રી પદ માટે શપથ લીધા હતા.આ સમારંભમાં વડાપ્રધાન નરેન્દ્ર મોદી સહિત 156 બેઠકના ધારાસભ્ય હાજર રહ્યા ગતા.ત્યારે આ બે દાયકામાં પ્રથમ વખત ચૂંટણી ડિસેમ્બરના પહેલા સપ્તાહમાં રાખવામાં આવી હતી.પ્રાપ્ત વિગતો અનુસાર, ચૂંટણીને લઈને થનારા મતદાનની તારીખ ચૂંટણીપંચ ડિસેમ્બરના બીજા સપ્તાહમાં જાહેર કરે છે.જ્યારે આ બે દાયકામાં પાંચમી ચૂંટણીમાં પહેલીવાર એવું બન્યું હશે કે, ડિસેમ્બરના પહેલા સપ્તાહ એટલે કે કમુહુર્તા પહેલા શપથવિધિ સમારોહ યોજાયો. 20 વર્ષ બાદ ભાજપે પહેલી વખત કમુરતા શરૂ થયા પહેલા નવી સરકારની શપથવિધિ સમારોહ યોજ્યો છે.
મહત્વનું છે કે, આ પહેલા ગત ટર્મ 2017માં તા. 9 અને 14ના મતદાન યોજાયું હતું અને તા. 26 ડિસેમ્બરે વિજય રૂપાણીએ શપથ લીધા હતા.જ્યારે તેની પહેલા વર્ષ 2012માં તેથી પણ મોડું તા. 13 અને 17 ડિસેમ્બરે મતદાન યોજાયું હતું.જો કે,વર્ષ 2007ની વાત કરીએ તો,2007માં ચૂંટણી પંચ દ્વારા પહેલા અને બીજા તબક્કાના મતદાન માટે તા. 11 અને 16 ડિસેમ્બર જાહેર કરી હતી. અને 2002માં પણ તા. 12 ડિસેમ્બરે મતદાન યોજાયું હતું.જેને જોતા કહી શકાય કે આ વખતે ભારતીય જનતા પાર્ટીએ હાર્ડ એન્ડ ફાસ્ટ કામગીરી કરી છે.બીજી તરફ ભારતીય જનતા પાર્ટી દ્વારા યોજાયેલા શપથવિધિ સમારોહમાં સૌરાષ્ટ્રના તમામ જિલ્લા,મહાનગરના હોદ્દેદારો,જનસંઘ સમયના અગ્રણીઓ,સાંસદો,મનપા,જિ.પં.માં ચૂંટાયેલા સભ્યો,ભાજપના મોરચાના હોદ્દેદારો ગાંધીનગરમાં સચિવાલય હેલીપેડ ગ્રાઉન્ડ ખાતે હાજર રહ્યા હતા.જ્યાં તમામ મંત્રીમંડળના સભ્યો દ્વારા શપથ લીધા હતા.
અત્રે ઉલ્લેખનીય છે કે,કમુહુર્તા અર્થાત્ ધનુર્માસનો આરંભ તા. 16 ડિસેમ્બરે થાય છે અને મકરસંક્રાંતિ તા. 14 સુધી ચાલે છે.આ વખતે પંચે મતદાનની તારીખ 1 અને 5 ડિસેમ્બરે રાખી હતી અને તા. 8 ડિસેમ્બરે મતગણતરી પણ થઈ ગઈ છે. ધનુર્માસ કે કમુહુર્તા એટલે અશુભ સમય નથી.દિવ્ય પરંપરા અને તર્ક એવો છે કે, આ માસમાં કોઈ આનંદના સમારોહ,લગ્ન પ્રસંગ, ગૃહપ્રવેશ, નવી મોટી ખરીદી વગેરે નહીં કરવા પાછળનો હેતુ એ છે કે આ માસમાં જપ,તપ આદિ પૂણ્યકર્મ કરવા માટે પૂરતો સમય મળી રહે.
