રેમન્ડ લિમિટેડે તેના લાઈફસ્ટાઈલ બિઝનેસને રેમન્ડ કન્ઝ્યુમર કેર લિમિટેડ (RCCL)માં ડિમર્જ કરીને પ્યોર પ્લે બીટુસી કેન્દ્રિત લાઈફસ્ટાઈલ બિઝનેસ સાથે લિસ્ટેડ એન્ટિટી બનાવી છે.રેમન્ડ લિમિટેડે આજે પ્યોર પ્લે બીટુસી ફોકસ્ડ લાઈફસ્ટાઇલ બિઝનેસ સાથે લિસ્ટેડ કંપની બનાવવા માટે તેના લાઈફસ્ટાઇલ બિઝનેસને RCCLમાં ડિમર્જરની જાહેરાત કરી છે.આ કોર્પોરેટ કામગીરી RCCLહેઠળના તેના એફએમસીજી બિઝનેસને રૂ.2,825 કરોડમાં GCPLને વેચીને શરૂ કરવામાં આવી છે.રેમન્ડ લિમિટેડમાંથી લાઈફસ્ટાઇલ બિઝનેસને ડિમર્જ કરવાના પગલાંથી બિઝનેસ સંપૂર્ણ દેવામુક્ત અને સ્વતંત્ર રીતે લિસ્ટેડ કંપની બનશે.લાઈફસ્ટાઇલ બિઝનેસના ડિમર્જર પછી રેમન્ડ લિમિટેડ મુખ્યત્વે એન્જિનિયરિંગ અને ડેનિમ બિઝનેસમાં રોકાણ સાથે લિસ્ટેડ રિયલ એસ્ટેટ કંપની હશે.
ડિમર્જના પગલે લાઈફસ્ટાઈલ અને રિયલ એસ્ટેટ બિઝનેસ બંને માટે ટકાઉ ગ્રોથ અને નફાકારકતા માટે સ્પષ્ટ વ્યૂહરચના અને વિશેષતા સાથે કેન્દ્રિત રોકાણકારોની તકો અને મૂડીની વધુ સારી એક્સેસની સુવિધા મળશે.
આ અંગે રેમન્ડ લિમિટેડના ચેરમેન અને મેનેજિંગ ડિરેક્ટર ગૌતમ હરિ સિંઘાનિયાએ જણાવ્યું હતું કે, શેરધારકો માટે મૂલ્યસર્જન કરવા માટેની અમારી પ્રતિબદ્ધતાને અનુરૂપ,અમે અમારા લાઈફસ્ટાઈલ બિઝનેસને ડીમર્જ કરીને હકારાત્મક પગલાં લીધા છે.જે સંપૂર્ણ દેવામુક્ત અલગ લિસ્ટેડ કંપની હશે.રેમન્ડ ગ્રૂપમાં રિયલ્ટી બિઝનેસ પણ રેમન્ડ લિમિટેડ દ્વારા લિસ્ટેડ કંપની હશે.પ્રમોટર સ્તરે અમે પ્રતિબદ્ધ છીએ અને એસેટ્સ મોનેટાઈઝેશનમાંથી પ્રાપ્ત થયેલા ફંડના રોકાણ દ્વારા પ્રયાસો દર્શાવવામાં આવ્યા છે.
રેમન્ડ ગ્રૂપે, જે RCCL હેઠળ એફએમસીજી બિઝનેસ ધરાવે છે,તેના ટ્રેડમાર્ક પાર્ક એવેન્યુ ડીઓ,કેએસ ડીઓ,કામસૂત્ર અને પ્રીમિયમ સાથે સ્લમ્પ સેલનું GCPLને વેચાણ કર્યું છે. RCCL તેનું કોન્ડોમ ઉત્પાદન એકમ જાળવી રાખશે અને સ્થાનિક અને આંતરરાષ્ટ્રીય બજારો માટે ઔરંગાબાદ,મહારાષ્ટ્રમાં કોન્ટ્રાક્ટ મેન્યુફેક્ચરિંગ કરવાનું ચાલુ રાખશે.
દર પાંચ શેર માટે RCCLના ચાર શેર મળશે
લાઈફસ્ટાઇલ બિઝનેસ કે જે હવે RCCLહેઠળ આગળ વધે છે તે લિસ્ટેડ થશે.જેમાં સ્વેપ રેશિયોના આધારે દર 5 શેર માટે RCCLના 4 શેર મળશે.મેન્યુફેક્ચરિંગ પ્લાન્ટ્સ સાથે શૂટિંગ બિઝનેસ,બીટુસી શર્ટિંગ અને એમટીએમ બિઝનેસ,બ્રાન્ડેડ એપેરલ અને તેના બ્રાન્ડ્સ પોર્ટફોલિયો તથા ઉત્પાદન એકમ સાથે ગાર્મેન્ટિંગ બિઝનેસ સહિત પેટા કંપનીઓ ધરાવતા લાઈફસ્ટાઇલ બિઝનેસ અને મેન્યુફેક્ચરિંગ પ્લાન્ટ્સ સાથે બીટુબી શર્ટિંગ બિઝનેસને RCCLમાંથી ડિમર્જ કરવામાં આવશે.
