80મા સ્વતંત્રતા દિવસની પૂર્વસંધ્યાએ ગુજરાત પોલીસ માટે ગૌરવપૂર્ણ સમાચાર સામે આવ્યા છે.પોલીસ સેવામાં નોંધપાત્ર અને પ્રશંસનીય કામગીરી બદલ ગુજરાતના કુલ 19 અધિકારીઓ અને કર્મચારીઓને રાષ્ટ્રપતિ પોલીસ મેડલ માટે પસંદ કરવામાં આવ્યા છે.જાહેર થયેલી યાદી મુજબ, ગુજરાતના 2 અધિકારીઓને વિશિષ્ટ સેવા માટેના રાષ્ટ્રપતિ પોલીસ મેડલ જ્યારે 17 અધિકારીઓ અને કર્મચારીઓને પ્રશંસનીય સેવા માટેના પોલીસ મેડલ એનાયત કરવામાં આવશે.
- અમિત કુમાર વિશ્વકર્મા, IPS : અધિક પોલીસ મહાનિદેશક, ATS અને કોસ્ટલ સિક્યુરિટી, ગુજરાત, અમદાવાદ.
- બહાદુરસિંહ અભેસિંહ ચૂડાસમા : હથિયારી નાયબ પોલીસ અધીક્ષક, પોલીસ અધીક્ષક કચેરી, ગાંધીનગર.
પ્રશંસનીય સેવા માટેના પોલીસ મેડલ
- સૌરભ તોલંબિયા, IPS : પોલીસ મહાનિરીક્ષક, DGP અને મુખ્ય પોલીસ અધિકારીની કચેરી, ગાંધીનગર.
- કનૈયા લક્ષ્મણભાઈ વાઘેલા : વાયરલેસ નાયબ પોલીસ અધીક્ષક, ATS અને કોસ્ટલ સિક્યુરિટી, અમદાવાદ.
- બબાભાઈ રામજીભાઈ કોલી : હથિયારી પોલીસ ઈન્સ્પેક્ટર, પૂર્વ કચ્છ, ગાંધીધામ.
- દિનેશકુમાર મણીભાઈ પટેલ : બિનહથિયારી પોલીસ સબ-ઈન્સ્પેક્ટર, અમદાવાદ શહેર.
- સંદીપ મહેન્દ્રભાઈ પટેલ : બિનહથિયારી પોલીસ સબ-ઈન્સ્પેક્ટર, અમદાવાદ શહેર.
- અનિલ શિવરામન નાયર : વાયરલેસ પોલીસ સબ-ઈન્સ્પેક્ટર, સુરેન્દ્રનગર.
- જયસિંહ ઘનશ્યામસિંહ રાજ : વાયરલેસ પોલીસ સબ-ઈન્સ્પેક્ટર, પૂર્વ કચ્છ, ગાંધીધામ.
- ઉત્તમસિંહ ગુણવંતસિંહ ઝાલા : વાયરલેસ પોલીસ સબ-ઈન્સ્પેક્ટર, SMC, ગાંધીનગર.
- બળવંતસિંહ મોતીસિંહજી સોલંકી : ASI, બનાસકાંઠા.
- નાનજી તરશીભાઈ અઘેરા : બિનહથિયારી ASI, જામનગર.
- સબ્બીરખાન કરીમખાન ઠેબ : હથિયારી ASI, રાજ્ય અનામત પોલીસ દળ, જૂથ-3, મડાણા.
- ભરતસિંહ નટવરસિંહ વાઘેલા : IO, ઈન્ટેલિજન્સ, ગાંધીનગર.
- દિલીપસિંહ કિરીટસિંહ રાણા : AIO, ઈન્ટેલિજન્સ, ગાંધીનગર.
- કલ્પેશકુમાર સોમાભાઈ દેસાઈ : AIO, ઈન્ટેલિજન્સ, ગાંધીનગર.
- અજય પ્રહલાદભાઈ ઓઝા : હથિયારી હેડ કોન્સ્ટેબલ, અમદાવાદ શહેર.
- તરુણસિંહ ગણપતસિંહ સોલંકી : બિનહથિયારી હેડ કોન્સ્ટેબલ, અમદાવાદ શહેર.
- રાજેશકુમાર કરશનભાઈ મીર : હથિયારી પોલીસ કોન્સ્ટેબલ, અમદાવાદ શહેર.
રાષ્ટ્રપતિ પોલીસ મેડલ પોલીસ દળના અધિકારીઓ અને કર્મચારીઓની લાંબા સમયની નિષ્ઠા, જવાબદારી અને ઉત્કૃષ્ટ સેવાઓની રાષ્ટ્રીય સ્તરે થતી નોંધ છે. આ વર્ષે ગુજરાતમાંથી વિવિધ રેન્ક અને પોલીસ શાખાઓ સાથે જોડાયેલા 19 કર્મચારીઓની પસંદગી થવાથી રાજ્યના પોલીસ બેડામાં પણ ઉત્સાહનો માહોલ જોવા મળી રહ્યો છે.ગુજરાત પોલીસના DGP જ્ઞાનેન્દ્રસિંહ મલિકે મેડલ માટે પસંદ થયેલા તમામ અધિકારીઓ અને કર્મચારીઓને અભિનંદન પાઠવ્યા છે.
