કામરેજ : કામરેજ તાલુકા સહકારી ખરીદ વેચાણ સંઘમાં પ્રમુખ અને ઉપપ્રમુખની બિનહરીફ વરણી કરવામાં આવી હતી.પ્રમુખ તરીકે રમેશભાઈ પટેલ અને ઉપપ્રમુખ તરીકે નિલેષભાઈ સેગવાકરની નિમણૂક કરવામાં આવી હતી. કામરેજ તાલુકા સહકારી ખરીદ વેચાણ સંઘની પ્રથમ વ્યવસ્થાપક સમિતિની બેઠક આજરોજ કામરેજ મામલતદારના અધ્યક્ષસ્થાને મળી હતી.જેમાં પ્રમુખ ઉપપ્રમુખની વરણી કરવામાં આવી હતી. પ્રમુખપદ માટે રમેશભાઈ પટેલ (જોખા)ની દરખાસ્ત ગુણવંતભાઈ પટેલે કરી હતી અને ટેકો કિશન પટેલે આપ્યો હતો.અન્ય કોઈ દરખાસ્ત નહીં આવતા રમેશ પટેલને બિનહરીફ ચૂંટાયેલા જાહેર કરવામાં આવ્યા હતા.ઉપપ્રમુખ પદ માટે નિલેશભાઈ સેગવાકરની દરખાસ્ત નારણભાઈ પટેલે કરી હતી અને ટેકો જયંતિભાઈ પટેલે આપ્યો હતો.અન્ય કોઈ દરખાસ્ત નહીં આવતા નિલેષભાઈ સેગવાકરને સર્વાનુમતે ચૂંટાયેલા જાહેર કરવામાં આવ્યા હતા.બિનહરીફ પ્રમુખ અને ઉપપ્રમુખ નિયુક્ત થતા સૌએ નવા વરાયેલા હોદ્દેદારોને શુભકામનાઓ પાઠવી હતી.
કામરેજ તાલુકા સહકારી ખરીદ વેચાણ સંઘમાં પ્રમુખ અને ઉપપ્રમુખની બિનહરીફ વરણી
