– કોન્ટ્રાક્ટરો એસોસિએશન દ્વારા સાપુતારા ખાતે વિદાય સંભારંભ યોજી શુભેચ્છાઓ પાઠવી
ડાંગ: ડાંગ જિલ્લાનાં બે નાયબ કાર્યપાલક ઈજનેરોની કાર્યપાલક ઈજનેર તરીકે બઢતી સાથે બદલી થતા આજરોજ જિલ્લાનાં અધિકારીઓ,પદાધિકારીઓ સહીત કોન્ટ્રાક્ટરો એસોસિએશન દ્વારા સાપુતારા ખાતે વિદાય સંભારંભ યોજી શુભેચ્છાઓ પાઠવી હતી.
પ્રાપ્ત વિગતો અનુસાર ડાંગ જિલ્લાનાં ડાંગ જિલ્લા પંચાયતનાં માર્ગ મકાન પેટા વિભાગ આહવામાં નાયબ કાર્યપાલક ઈજનેર તરીકે ફરજ બજાવતા સંદિપભાઈ માહલાને ખાતાકીય કાર્યપાલક ઈજનેર તરીકે બઢતી મળતા તેઓની જિલ્લા પંચાયત માર્ગ મકાન વિભાગનાં કાર્યપાલક ઈજનેર તરીકે રાજકોટ ખાતે બદલી કરવામાં આવી છે.જ્યારે ડાંગ જિલ્લા સ્ટેટ માર્ગ મકાનમાં આહવા પેટા વિભાગમાં નાયબ કાર્યપાલક ઈજનેર તરીકે ફરજ બજાવતા અમિષભાઈ પટેલને ખાતાકીય કાર્યપાલક ઈજનેર તરીકે બઢતી મળતા તેઓને જિલ્લા પંચાયત માર્ગ મકાન વિભાગ દાહોદ ખાતે કાર્યપાલક ઈજનેર તરીકે બદલીની સાથે બઢતી મળી છે.આ બન્ને યુવા નાયબ કાર્યપાલક ઈજનેરોએ ડાંગ જિલ્લાનાં ગામડાઓનાં માર્ગો,કોઝવે,સહિત પુલોની કાયાપલટ કરવા માટે અદમ્ય ભૂમિકા નિભાવી છે.આ બન્ને ઈજનેરોએ સરળ અને મળતયા સ્વાભાવથી ડાંગનાં લોકોમાં વિશેષ છાપ છોડી હતી.બઢતી સાથે બદલી પામેલ ઈજનેરોમાં સંદિપભાઈ માહલા અને અમિષભાઈ પટેલની સરાહનીય કામગીરીને ધ્યાનમાં લઈને ડાંગ જિલ્લાનાં અધિકારીઓ,પદાધિકારીઓ,સહીત કોન્ટ્રાક્ટર એસોસિએશન દ્વારા આજરોજ ગિરિમથક સાપુતારા ખાતે પુષ્પગુચ્છ,શાલ અને શ્રીફળ અર્પણ કરી વિદાય આપી શુભેચ્છાઓ પાઠવી હતી.આ વિદાય સંભારભમાં ડાંગ ધારાસભ્ય વિજયભાઈ પટેલ,જિલ્લા પંચાયતનાં પ્રમુખ મંગળભાઈ ગાવીત,બાંધકામ અધ્યક્ષ ચંદરભાઈ ગાવીત,ડાંગ સ્ટેટ વિભાગનાં કાર્યપાલક ઈજનેર એસ.આર.પટેલ,નાયબ કાર્યપાલક ઈજનેરોમાં પી.સી.ખીમાની,એમ.આર. પટેલ સહિત કોન્ટ્રાક્ટરોમાં રાજેશભાઈ આહિરે,રાજેશભાઈ જી.પટેલ,મયુરભાઈ પટેલ,પી.બી.રાણે,સંદીપ.એમ.પટેલ,પ્રદીપ કૌશલ તથા કોન્ટ્રાક્ટરગણ તેમજ સ્ટાફગણ ઉપસ્થિત રહયા હતા
