કાબુલ: અફઘાનિસ્તાનમાં સત્તા પર પરત ફરવાની સાથે તાલિબાનની ક્રૂરતા ચાલુ છે.તાલિબાન તેના વિરોધીઓનો પસંદગીપૂર્વક બદલો લઈ રહ્યું છે.અફઘાન મૂળના ભારતીય નાગરિકનું રાજધાની કાબુલમાં તેની દુકાન પાસે બંદૂકની અણીએ અપહરણ કરવામાં આવ્યું હતું. એવું માનવામાં આવે છે કે તાલિબાનોએ એક ભારતીય નાગરિકનું અપહરણ કર્યું છે.જોકે, હવે આ ઘટના સંદર્ભે ભારત સરકારનો સંપર્ક કરવામાં આવ્યો છે.
સમાચાર એજન્સી પીટીઆઈ અનુસાર, ઈન્ડિયન વર્લ્ડ ફોરમના પ્રમુખ પુનીત સિંહ ચંદોકે મંગળવારે જણાવ્યું હતું કે તેમણે આ મામલામાં હસ્તક્ષેપ કરવા માટે ભારત સરકારના વિદેશ મંત્રાલયનો સંપર્ક કર્યો છે.તેમણે કહ્યું કે તેમને અફઘાન હિંદુ-શીખ સમુદાય દ્વારા જાણ કરવામાં આવી છે કે સોમવારે સવારે 8 વાગ્યે અફઘાન મૂળના ભારતીય નાગરિક બંસરી લાલ અરેન્દે (50) નું અપહરણ કરાયું હતું.
ચંદોકે જણાવ્યું કે બંસરીલાલ ફાર્માસ્યુટિકલ પ્રોડક્ટ્સના વેપારી છે.આ ઘટના સમયે, તે તેના કર્મચારીઓ સાથે તેની દુકાન પર સામાન્ય દિનચર્યામાં વ્યસ્ત હતા.તેઓએ જણાવ્યું હતું કે બંસરીલાલનું તેના કર્મચારીઓ સાથે અપહરણ કરવામાં આવ્યું હતું, પરંતુ તેના કર્મચારીઓ કોઈક રીતે ભાગી જવામાં સફળ રહ્યા હતા,જોકે અપહરણકારો દ્વારા તેને નિર્દયતાથી મારવામાં આવ્યો હતો. જણાવી દઈએ કે બંસરીલાલનો પરિવાર દિલ્હીમાં રહે છે.ચાંદોકે જણાવ્યું કે બંસરીલાલનો પરિવાર દિલ્હી એનસીઆરમાં રહે છે. સ્થાનિક તપાસ એજન્સીઓએ અપહરણના સંબંધમાં કેસ નોંધ્યો છે અને તેમની શોધ કરી રહી છે. જોકે, હજુ સફળતા મળી નથી.
ઉદ્યોગપતિના અપહરણની માહિતી વિદેશ મંત્રાલયને મોકલવામાં આવી છે.સાથે જ સરકારને આ મામલે ટૂંક સમયમાં હસ્તક્ષેપ કરવા અને અપહરણ કરાયેલા વેપારીને વહેલી તકે છોડાવવા અપીલ કરવામાં આવી છે.
