સુરત,તા.26 ઓગસ્ટ 2022,શુક્રવાર : એક ભાઈ પાણી અને વિજળી ફ્રી આપવાની જાહેરાત કરી રહ્યાં છે. 10 લાખ લોકોને રોજગારીની વાતો પણ કરી રહ્યાં છે.આ બધી વાતો હવામાં છે.આવી વાતોમાં નહીં ફસાવાની લોકોને ભાજપ પ્રદેશ અધ્યક્ષ સી.આર.પાટીલે હિમાયત કરી હતી.
સ્મીમેર હોસ્પિટલ નજીક ગ્લોબલ ટેક્સટાઇલ માર્કેટમાં યોજાયેલાં ફેબ્રિક એક્સપોના ઉદ્ઘાટન પ્રસંગમાં ગુજરાતના મુખ્યમંત્રી ભુપેન્દ્ર પટેલ અને ટેક્સટાઇલ મંત્રી દર્શના જરદોશની સાથે તેઓ ઉપસ્થિત હતાં.ચાઇનાની પ્રોડક્ટ કેવી હોય છે એ તમે જાણો છો. ધોયા સો રોયા એટલે આવી જાહેરાતથી સાચવજો.કોઈનું પણ નામ દીધા વગર તેમણે ફ્રી જાહેરાત બાબતે રાજકીય ચાબખા માર્યા હતાં.રાજ્યના મુખ્યમંત્રી ભુપેન્દ્ર પટેલે છેલ્લાં 2 દશકા દરમિયાન ગુજરાતમાં કેવી પ્રગતિ થઈ અને તેનો લાભ કંઈ સુધી લોકો સુધી પહોંચ્યો,તે વિશે જણાવ્યું હતું.વિવર્સ સંગઠનના માધ્યમથી ત્રણ દિવસના ફેબ્રિક એક્સપોનું આયોજન કરાયું હતું.જેનું ઉદ્ઘાટન આજે સવારે થયું હતું.
હમણાં હમણાં એક ભાઈ આવે છે અને મફત પાણીની વાત કરે છે.એક રૂપિયોને દસ પૈસા જેવો એક દિવસનો ભાવ થાય છે.થાય છે.આટલું સસ્તું ટ્રીટેડ પાણી આખા દેશમાં કોઈ આપતું નથી.એટલે ગુજરાતની જનતાને ફ્રીમાં પાણી આપવાની લાલચ ન આપો.એક ભાઈ આવીને કહે છે કે અમે ફ્રીમાં વીજળી આપીશું.પરંતુ પાવર આવશે કે કેમ તે એક સવાલ છે.ગુજરાતના યુવાઓને પણ નોકરીની લાલચ આપી છે.સાડા પાંચ લાખ નોકરી સરકારે જાહેરાત કરી છે ત્યારે આ ભાઈ દસ લાખ નોકરીની જાહેરાત કરે છે.પણ તે કેવી રીતે કરશે તે નક્કી નથી.ગુજરાત રાજ્ય આખા દેશમાં સૌથી વધુ રોજગારી આપતું રાજ્ય છે.કોરોના દરમ્યાન પણ સૌથી વધુ કારીગરો સુરતથી ગયા હતા.અને કોરોના બાદ પણ તમામ રાજ્યમાંથી સૌથી વધુ લોકો ગુજરાત આવ્યા હતા.એટલે ગુજરાતીઓને લોલીપોપ આપવાનું બંધ કરી દો.ગુજરાતી આપવા માટે હાથ લાંબો કરે છે માંગવા માટે નહીં.
કોઈપણ ઉદ્યોગ જ્યારે મુશ્કેલીમાં મુકાયો છે ત્યારે ભાજપ સરકાર તેમની સાથે ઉભી રહી છે.આ વ્યાપારમાં જ્યારે પેમેન્ટ અટકી જાય કે નથી આવતું ત્યારે વેપારીઓ દવા લઈને પણ વેપાર ચાલુ રાખે છે.કારણકે નીચલા વર્ગના લોકોનો ચૂલો સલગવો જોઈએ.સુરતની સાથે કાપડ ઉદ્યોગમાં સ્પર્ધામાં આવી શકે તેવો કોઈ દેશ નથી.ચાઇના હોય કે અન્ય દેશ ભારતના કાપડ ઉદ્યોગની સરખામણીએ ન આવી શકે.હર ઘર તિરંગા અભિયાનમાં સુરત ટેકસટાઇલ ના 30 હજારથી વધુ વેપારીઓ જોડાયા હતા. વડાપ્રધાન મોદી પણ ટેકસટાઇલ ઉદ્યોગની તમામ મુશ્કેલીઓ હલ થાય તે દિશામાં પ્રયાસ કરી રહ્યા છે.
ટેકટસ્ટાઈલ ની કમનસીબી એ છે કે આ ઉદ્યોગ મહિલાઓ માટે છે.પરંતુ આ ઉદ્યોગ માં મહિલાઓ ઉદ્યોગકાર ઓછા છે.ટેક્સટાઇલ ઉદ્યોગકાર પોતાની મૂડી નાખી લાખો.લોકો ને રોજગારી આપે છે.ઉદ્યોગકારો પોતે ચિંતા માં હોય પરંતુ કામદારો ને રોજીરોટી આપે છે.સુરતના ઉદ્યોગકારો કાપડ માં અનેક ફેર કરી તેની ગુણવત્તા વધારી રહ્યા છે.વિશ્વમાં ટકી રહેવા માટે વેપારી મહેનત કરે છે.ટેકનોલોજી નો ભરપૂર ઉપયોગ કરવામાં આવી રહ્યો છે, સુરત મુંબઈને પણ ઝાંખું પાડશે. ડાયમંડ બુર્સ ચાલુ થાય તો તેની ચમક સુરતમાં વધશે.
દર્શના જર્દોષે કહ્યું કે, સુરત શું છે અને તેની તાકાત શું છે અને તે બતાવવા બદલ કાપડ ઉદ્યોગનો આભાર.મણિપુર જેવા નાના સ્ટેટમાં પણ સુરતના પાંચ લાખથી વધુ તિરંગા ફરકયા.આવતીકાલે વડાપ્રધાન ગુજરાત આવી રહ્યા છે ત્યારે 75 ચરખા તૈયાર કરવામાં આવ્યા છે.વડાપ્રધાન હેન્ડલુમ અને ગૃહઉદ્યોગ સાથે જોડાયેલ વસ્તુને પ્રમોટ કરતા હોય છે.દુનિયામાં શુ એક્સપોર્ટ કરી શકાય તે વડાપ્રધાન જાણે છે.એટલે જ સુરતના મેન મેડ ફાયબર ને ધ્યાને રાખી ટેકસટાઇલ પોલિસી બનાવી. દક્ષિણ ગુજરાતના વાંસી બોરસી ખાતે પીએમ મિત્ર પાર્ક બનાવવામાં આવશે.જેના માટે માટે આખા દેશમાં 13 રાજ્યોમાંથી 7 ને મંજૂરી મળશે.આમ સૌપ્રથમ રાજ્ય ગુજરાત છે જે ગર્વની વાત છે.
