મલેશિયા, તા. 14 માર્ચ 2022, સોમવાર : મલેશિયાના કુઆલાલંપુર ખાતે સોમવારે રાત્રે ભૂકંપના આંચકા અનુભવાયા હતા.નેશનલ સેન્ટર ફોર સિસ્મોલોજીના જણાવ્યા અનુસાર,અહીં આવેલા ભૂકંપની તીવ્રતા 6.8 માપવામાં આવી છે.આ સાથે ફિલિપાઈન્સના મનિલા ખાતે પણ ભૂકંપના આંચકા અનુભવાયા હતા,જ્યાં રિક્ટર સ્કેલ પર ભૂકંપની તીવ્રતા 6.4 માપવામાં આવી છે.નેશનલ સેન્ટર ફોર સિસ્મોલોજીએ ભૂકંપની પૃષ્ટિ કરી છે.
ભૂકંપ કેવી રીતે આવે છે?
ધરતીકંપ આવવાનું મુખ્ય કારણ પૃથ્વીની અંદર પ્લેટ્સની અથડામણ છે.પૃથ્વીની અંદર સાત પ્લેટ્સ છે અને તે સતત ફરતી રહે છે.જ્યારે આ પ્લેટ્સ કોઈ જગ્યાએ અથડાય છે,ત્યારે ફોલ્ટ લાઇન ઝોન હોય છે અને સપાટીના ખૂણાઓ વળી જાય છે.સપાટીના ખૂણાઓના વળી જવાને કારણે ત્યાં દબાણ વધે છે અને પ્લેટો તૂટવાનું શરૂ કરે છે.આ પ્લેટો તૂટવાથી અંદર રહેલી ઉર્જા બહાર નીકળવાનો રસ્તો શોધી લે છે જેના કારણે ધરતી ધ્રુજે છે અને આપણે તેને ભૂકંપ માનીએ છીએ.
ભૂકંપની તીવ્રતા:
રિક્ટર સ્કેલ ઉપર 2.0થી ઓછી તીવ્રતાવાળા ધરતીકંપોને સૂક્ષ્મ તરીકે વર્ગીકૃત કરવામાં આવે છે અને આ ભૂકંપ અનુભવાતા નથી.રિક્ટર સ્કેલ પર સૂક્ષ્મ શ્રેણીના 8,000 ધરતીકંપ વિશ્વભરમાં દરરોજ નોંધાય છે.એ જ રીતે, 2.0થી 2.9ની તીવ્રતાના ધરતીકંપોને માઇનોર કેટેગરીમાં રાખવામાં આવ્યા છે.આવા 1000 ધરતીકંપ દરરોજ આવે છે જેને સામાન્ય રીતે આપણે અનુભવતા પણ નથી.એક વર્ષમાં 49,000 વખત 3.0થી 3.9ની તીવ્રતાના અત્યંત હળવી કેટેગરીના ધરતીકંપ નોંધાય છે.આવા ભૂકંપ અનુભવાય છે પરંતુ તેમના દ્વારા ભાગ્યે જ કોઈ નુકસાન થાય છે.
હળવી કેટેગરીના ધરતીકંપો 4.0થી 4.9ની તીવ્રતાવાળા હોય છે.જે સમગ્ર વિશ્વમાં વર્ષમાં લગભગ 6,200 વખત રિક્ટર સ્કેલ પર નોંધાય છે.આ આંચકા અનુભવાય છે અને ઘરની વસ્તુઓમાં ધ્રુજારીને જોઈ શકાય છે.જો કે,તેઓ નજીવું નુકસાન પહોંચાડે છે.
